Uchaguzi mdogo madiwani Februari 9 2014

Tume ya Taifa ya Uchaguzi (NEC) imetangaza kuwa uchaguzi mdogo wa kujaza viti vilivyo wazi vya madiwani katika kata 27 zilizoko halmashauri 23, utafanyika Februari 9, mwakani.
Mkurugenzi wa Uchaguzi wa NEC, Julius Malaba, alisema kuwa viti hivyo vimekuwa katika kata hizo kutokana na baadhi ya madiwani kufariki dunia na wengine kupoteza sifa.
Kata hizo na halmashauri zake ni:

Na	Kata	Halmashauri
1	Segela	Chamwino
2	Mpwayungu
3	Ukumbi	Kilolo
4	Ibumu
5	Nduli	Iringa
6	Malindo	Rungwe
7	Santilya	Mbeya
8	Tungi	Morogoro
9	Mkwiti	Tandahimba
10	Mkongolo	Kigoma
11	Sombetini	Arusha
12	Mrijo	Chemba
13	Magomeni	Bagamoyo
14	Kibindu
15	Mtae	Lushoto
16	Ubagwe	Ushetu
17	Namikago	Nachingwea
18	Partimbo	Kiteto
19	Loolera
20	Kiwalala	Lindi
21	Kilelema	Buhigwe
22	Kiomono	Tanga
23	Kasanga	Kalambo
24	Rudewa	Kilosa
25	Kiboroloni	Moshi
26	Njombe Mjini	Njombe
27	Nyasura	Bunda

Uteuzi wa wagombea udiwani utafanyika Januari 15, wakati kampeni za uchaguzi zitaanza Januari 16 hadi Februari 8 na siku ya kupiga kura itakuwa Februari 9, mwakani.
Zoezi la uwekaji wazi Daftari la Kudumu la Wapiga kura litafanyika kuanzia Februari mosi, mwakani katika vituo walivyojiandikisha wapiga kura wakati wa uchaguzi mkuu wa mwaka 2010 na zoezi hilo litafanyika kwa siku saba.
Wagombea wa udiwani watachukua fomu za uteuzi kwa msimamizi wa uchaguzi kuanzia Januari 2 kabla ya saa 10:00 alasiri.
Wagombea wanatakiwa kuwasilisha fomu za uteuzi kwa msimamizi wa uchaguzi siku ya uteuzi katika muda usiozidi saa 10:00 alasiri.

Source: NIPASHE Jumatano Desemba 4, 2013